期指觀瀾：向上突破機會仍大
踏入期指結算周，大戶看來無意圖掀起戰火，港股繼續以橫行消化上周初的急升，藉道指上周五再創歷史新高，昨日恒指以23,829點全日高位開出後，主旋律是尋找即市支持，最後受制於A股低收，港股以貼近全日低位收市，跌11點報23,684點。
不過，不能太早認定過去五日恒指陰陽燭圖上，連續出現五支陰燭走勢較弱的說法。
事實上，恒指昨收市點數仲要比上周一急升627點後的收市價23,660點高。儘管好友未見積極試攻23,944點年初高位，但急升後在高位徘徊，並一直處於相對高位進行，即市調整壓力有限，當市場逐漸適應高交易區後，估計後市向上突破機會仍然相對較大。
昨日期指日市更加無睇頭，開23,959點，差一點就係全日高位，但很快回到23,800點樓下，以即市低位23,701點計，九成八時間波幅在百點之內，而睇番全日僅1,155張在23,800點樓上成交，佔全日成交僅1.6%，可見即市炒家嘗試在23,700至23,800點之間做出均衡交易價位。
手上已開好倉，筆者也會繼續分段入市揸好倉策略，至少預留三分一注碼，萬一恒指回補23,050至23,390點的上升裂口時，可有倉位再加注。
John Mullen