陳禹昌出名跑得，而且參加好多大大小小嘅賽事，以前仲玩過兩次毅行者，無花無假，真係廿四小時內跑足全程o架！絲絲以為佢今次「玩硬」毅行者喇，點知今年班隊友唔預佢。鬼咩，毅行者嘅步速要差唔多先得，班隊友緊係嫌陳禹昌跑得太快啦！
封路阻滯 戥朋友唔抵
今次陳禹昌話齋睇都相當勞氣喎！點解？之唔係賽事頭段封咗路，參賽者去唔到第一個Check point拎水，兜個大圈，體力固然係用多咗，最弊係失咗預算，唔夠水飲，搞到有幾個朋友中暑呀！
今場賽事參加唔到唔緊要，因為陳禹昌嚟緊就會參加澳門全馬，聽講，佢早排已經秘密練兵，依家就可以休息吓，希望以最佳狀態應戰！哈哈！絲絲一定過大海做啦啦隊，見證佢捧盃！