華人富豪講身家，可能仲未可以同歐美富豪睇齊，但勝在人多勢眾。胡潤尋日公布佢嘅最新統計，現時身家過10億美元嘅內地富豪有263個，比舊年多64位，而喺香港就有481位，如果加埋台灣，成個大中華區嘅富豪人數，已經遠超美國嘅409位。
華人富豪人數眾多，亦令全球富豪居住地以華語城市為主。胡潤話，富豪居住最集中嘅頭十大城市中，有近半數都係華語城市，當中北京排全球富豪集中地嘅第三位，香港排第四，而上海同深圳就排第六同第七位。
之但係，講到做善事，內地富豪慈善捐贈嘅比例，比起美國就真係「仍待提升」啦。
有趣嘅係，胡潤話，地產富豪喺佢嘅「百富榜」佔咗兩成，但喺「慈善榜」上佔比就去到四成，可能係因為地產商錢來得快，做起善事特別豪爽。
余絲韻