絲絲講場：重行上市贈擺設超名貴

呢間銀行認真識做，由董事長甘為民送咗個名貴擺設畀港交所，擺設係佢哋特別訂造嘅，連絲絲呢啲唔識藝術品嘅外行人都睇得出係好嘢。

千年烏木寓意長久

呢個圓形擺設一啲都唔簡單，由超級名貴嘅千年烏木做外圈，中間係四川蜀繡。四川烏木近年價值暴漲，據聞一斤價值過萬港紙，嗰幅刺繡係一幅靈氣十足嘅四川風光吊腳樓圖，洋溢四川風情，整個擺設寓意重行喺香港發展長長久久。

重行董事長甘為民好受歡迎，唔知嘅以為佢係明星，粉絲排住隊同佢影相，接受訪問嘅時候，除咗一班本地記者之外，仲有唔少內地媒體，連CCTV都派人到場，十幾個媒體圍到實晒，真係焦點中嘅焦點。

余絲韻