籌款支援乳癌患者
呢一場「粉紅革命」其實係要宣揚關注乳癌訊息，背後理念係透過色彩奪目嘅衣飾引起話題，希望公眾多啲討論乳癌疾病，並表達支持者攜手對抗癌病嘅決心。
原來，宏利自○八年起就一直響應「粉紅革命」。今次宏利員工上下一心，超過260名員工身體力行支持「粉紅革命」籌款活動，聽講捐款係用嚟支援香港癌症基金會為乳癌患者提供嘅服務。
絲絲估唔到嘅係，連平時好忙嘅吳智珊都化身Pink Lady，仲戴咗副心心眼鏡添！見到宏利員工個個都臉帶笑容，宣揚關注乳癌訊息，一定係想話畀大家知，即使患病，都要笑住面對啦！