絲絲講場：積金有得揀 無揀因懶理
莫講話轉會，最近有好多調查都話打工仔冇趁強積金半自由行檢討現行積金計劃。
康宏調查發現，七成港人要「有得揀」，揀啲咩？揀強積金計劃呀！市面上有19個受託人，總共有40個積金計劃，老實講，無論係積金表現，抑或係服務水平，都會有啲參差。
康宏：四成人轉會博賺
1,010位受訪者中，只有約四成人為追求更理想回報而喺過去一年轉積金計劃。不過依然約有六成打工仔無轉會，當中兩成人覺得手續繁複。
王利民話好多打工仔都懶理強積金，慣性唔轉會，又點加強市場競爭呢！佢講笑話，雞汁唔一定最好，濃湯寶可能都唔錯呢！真係要試過先知，但最緊要「有得揀」嘛！王利民提醒打工仔，可以無限次轉會，因為「沒有最好，只有更好」。
余絲韻