絲絲講場：滙豐亮彩虹燈撐平權

24萬員工多元共融

彩色旗象徵同性運動，今次滙豐改用彩虹燈飾，就係要用行動證明銀行支持多元共融，唔通外資行真係開明啲？

每個人都係獨一無二嘅個體，有唔同思想，唔同嘅需要。滙控（00005）全球有逾24萬個員工，銀行希望透過建立一個多元共融嘅文化，令不同性別、年齡、性取向、宗教嘅人都可以開開心心返工！

記得○九年滙豐銀行一名由男變女嘅變性高層主管，投訴遭到滙豐不公平對待。事情發展成點絲絲就無再跟進，不過，今年初滙豐作出進一步突破，准許員工嘅同居伴侶申請醫療福利，仲要不限性別，見到依家滙豐咁多元共融，呢一種開通嘅思想一定要Share出去。