絲絲講場：股神慳家 銀包用廿年

Nokia摺機不離不棄

巴菲特應主持人要求，拎咗好有「歷史價值」嘅手機同銀包出嚟，無論係手機、銀包都用咗超過20年。喺人人都用智能手機嘅時代，佢仍然用緊廿幾年前嘅諾基亞摺機，仲話自己每樣嘢都用超過25年先會扔，足以證明佢份人「慳家」又念舊。

運通卡陪伴半世紀

而佢嘅銀包，同樣用咗超過20年，入面除咗有銀紙之外，一張全家幅就顯示巴菲特係一個顧家嘅男人，不過令人最深刻都係佢張一九六四年發行嘅美國運通信用卡。

原來早喺50年前，股神已經係美國運通嘅「用家」，依家佢就持有美國運通市值95億美元嘅股份。金融海嘯後巴菲特睇好銀行股，注資支持美國運通同其他企業，呢啲投資當然冇辜負巴菲特嘅支持，事隔五年已經為佢進帳百億美元喇！

余詩韻