唔好以為銀行家嘅生活好刻板，滙豐最近搞咗兩次請食飯活動，滙豐香港區零售銀行及財富管理業務主管施穎茵（Diana）就同一班信用卡客戶擦餐勁，歎完日本菜，轉頭就食粵菜，飲飽食醉嘅代價唔係跑數，係要切法做運動跑甩啲卡路里！
絲絲聽聞滙豐早排搞咗場四人一圍嘅百圍夜宴，齊歎片皮鴨、薑葱爆鴨、雞絲羹等粵式名菜，連花尾躉斑都有得品嘗，仲有雪耳馬蹄爽潤一潤喉！
能夠參與呢場夜宴嘅都係幸運兒，話說滙豐有個網上投票活動，畀滙豐信用卡持有人揀心水中菜菜譜，然後喺最多人揀嘅Menu中抽出100個幸運兒擦餐勁！
係咪開始覺得Banker嘅生活幾多姿多采呢？其實，Banker背後嘅辛酸不足為外人道。絲絲唔知Diana要唔要跑數，但可以肯定嘅係，去多幾場夜宴，食多幾舊鴨肉、佢肯定要跑甩呢啲卡路里。
余詩韻