成個十月，市場嘅主題都只係圍繞住兩大焦點：國債上限到期同埋聯儲局退市路線圖。
財政部已經講咗，如果十月十七日前傾唔成，十月尾前聯儲局可能已經唔夠錢找數，即係違約，預料對經濟將造成破壞性影響，所以嚴重性同政府停運係完全唔同。嚟緊避險情緒可能會慢慢上升，而呢樣嘢可能就係美元反彈嘅第一個催化劑。
近月匯市波動性明顯減低，美元弱勢只是對沖基金早前平淡倉，相信美元再急跌的空間將愈來愈少，換句話說，一眾外幣尋頂之旅的上升空間正在減少。始終大方向聯儲局傾向退市，無論是十月還是十二月退，到時國際資金還是會回流美元。
筆者維持睇法，目前升得急的，平倉的壓力或會增加，因此年內高位在1.6340的英鎊，預計調整時機不會太遠，短線英鎊將於1.5950至1.6250間先行整固。
GMO CLICK環球通副總裁 陳健豪