央企掌舵人同地產商先喺長三角地區搞咗兩三個大型商住項目，雙方合作愉快，有次掌舵人向地產商建議，不如兩家拍住上，組合營公司做晒全國，央企佔六成股權，地產商佔四成，央企仲話安排地產商入股旗下上市嘅地產子公司，以示誠意。
進軍內地保守為妙
之不過，掌舵人話地產商家族研究合作方案後，一來唔想揸細份啲嘅股權，二來想做一線城市，唔想三四線城市都做，最後婉拒掌舵人好意，兩家公司最終亦做唔成拍檔。
時至今日，香港地產商依然係一線企業，但北上投資態度就保守得多。據掌舵人講，香港公司入內地，由香港派專人睇檔，成本實計唔掂，長線一定要建立本地化團隊，所以北上進展慢亦可以理解。
余詩韻