唔知係咪因為生意太好嘅關係，《華爾街日報》中文版就刊登咗IFC商場租賃部門總經理Karim Azar嘅報道，佢話一一年先開業嘅IFC蘋果旗艦店，係蘋果公司全球表現最好嘅門市之一！
IFC爆料有意擴充
不過IFC旗艦店嘅面積只有紐約第五街旗艦店嘅三分之一咋！Azar仲話，蘋果公司有計劃要將原本兩層嘅店舖，向上擴建一層添！之不過，呢個消息仍然有待蘋果公司證實！
計絲絲話，IFC旗艦店只有兩層真係滿足唔到香港人同旅客嘅需求。事關唔單止喺店入面，就連出面嘅通道都畀「果迷」同「果農」佔據。絲絲覺得蘋果除咗擴建一層之外，最好連走廊都租埋，事關出面係全球有名嘅蘋果手機水貨「散貨場」呀！