呢個「約會」由澳洲會計師公會搞嘅，已證實係全球最大規模，並正式打破健力士世界紀錄。
公會嘅大中華區分會總經理梁煥芹話，共有406名導師及學員參與，導師向學員提供規劃會計職業道路嘅建議，又分享專業意見和心得。呢次活動刷新了舊年十一月於美國堪薩斯城創下嘅357名參與者嘅世界紀錄。
幫青年規劃會計事業
澳洲會計師公會大中華區分會會長李文傑，同梁煥芹已經攞咗健力士世界紀錄嘅證書。
李文傑話，今次活動嘅目的，係為學生及年輕專業人士提供一個充滿趣味嘅形式與會計翹楚見面，等佢哋喺開展會計事業前，有機會攞多啲專業意見。