絲絲講場：渣打 活期存款馬拉松息

渣打存款及按揭業務香港及大中華區主管王維憲（Teddy），親自介紹呢個別開生面嘅「馬拉松」。原來「馬拉松」係用嚟比喻漸進式活期存款利率，寓意「愈跑愈高息」，計劃嘅存款年利率最高達1.8厘，唔講唔知，該行推出呢個計劃已經有幾年，夾埋嘅申請人數已經突破咗10萬人！

人幣存款大升四成半

咁唔知Teddy又係唔係「跑友」嘅一分子呢？佢講笑話，跑馬拉松之前要操練同做好多準備，開立呢個活期存款戶口就唔使咁多準備喇；佢仲話，今年報名參加跑渣打馬拉松嘅人數超過7萬人，希望申請開立優惠活期戶口嘅反應都有咁熱烈喎！

而人民幣存款都係渣打香港嘅主打，Teddy話今年至今，該行人民幣存款量已大升四成半，唔怪得要推新優惠，體現馬拉松「再接再厲」嘅精神啦！