當中樓市數據相信係一個重點，本周又有新屋銷售數據，如果真係比預期差，就進一步強化市場對下次會議上減少買債嘅規模唔會好大嘅預期。
目前市場基本上已消化聯儲局將溫和步伐退市，但筆者認為依家入市要好小心。第一，再次強調九月係多事之秋，唔退市後接住可以炒嘅不明朗因素就到美國國債上限到期，所以注碼控制真係好重要。第二，最好就畀多少少耐性，等接近吸引嘅技術位先埋位入市。
眼下形勢就係，由薩默斯唔玩所造成嘅裂口，可以話已經補咗，即係短線美元係有壓力，外幣佔咗上風，歐元亦升穿六月同八月阻力1.3420，短線已重新成為支持，阻力為今年二月高位1.37。
GMO CLICK環球通副總裁 陳健豪