期指觀瀾：淡倉短線目標23095
中秋長假後得半日市，上星期四、五預託證券插水，已預期港股昨日先回補23,214至23,469點上升裂口機會極高，殊不知上午滙豐九月中國製造業PMI初值，升至51.2的半年新高，亦比市場預期理想，帶動A股升超過1.3%外，也減低上周五美股急挫的殺傷力。
大市低開87點報23,414點，跌幅一度收窄到35點，不過，大戶見跌幅低於預期，加上美股情況唔明朗，收市前大市都愈跌愈多，一度跌211點，最後收23,371點跌130點，主板成交440億元，半日市唔算少。
昨日早市期指去到23,509點，觸及23,501點以及23,504點，立即支持變阻力，成為好友反攻的攔路虎，之後低見23,289點，算是補回了23,258點的裂口，尾市抽上23,356點收，較現貨低水15點。
昨以開市價高於23,320點樓上作為做淡條件，結果限價盤順利在23,420點承造，暫訂再確認升破23,520點止蝕，短期目標則在23,095點，本周五期指結算，比較特別是跨過月中，九月期指未平倉合約依然在累積當中，上周五去到10.1萬張，上周美股明顯轉弱，筆者唯一忌憚的是大戶可能唔跟章法，揀A股唔跟美股行，故先三分之一注碼入市。
John Mullen