絲絲講場：蔡中虎年底功成身退

帶領中銀人壽入三甲

現年64歲嘅蔡中虎○八年加入中銀人壽，當年訂下嘅五年大計一早就超額完成，舊年除稅前盈利較○七年增長達1.33倍。今時今日，公司嘅市佔率仲升到市場前三甲，蔡中虎實在功不可沒，相信唔少「虎迷」都會因為佢退下火線嘅消息，而感到失落同不捨。中銀香港（02388）及中銀人壽發言人，就話唔評論市場傳聞喇。

保險業界一直都好留意中銀人壽嘅新動向，公司啱啱先推出新一輯廣告，遲啲又有新產品應市，仲話會建立一隊流動保險銷售專隊，新計劃真係一浪接一浪o架！

老建榮重出江湖接棒

據聞，接棒嘅係老建榮，佢已經喺中銀人壽返緊工，睇嚟想趁早摸熟公司運作，大展拳腳，絲絲相信中銀人壽下一個五年一定會愈做愈好。

原來，老建榮同蔡中虎都有些少淵源，事關兩個人都喺獅子銀行打滾過！想當年，老建榮由滙豐香港人壽保險業務行政總裁一職，走馬上任去內地開荒做滙豐人壽首席執行官，不過佢喺上年已經請辭，話要休息喎。

余詩韻