證監會前高層歐陽長恩（洋名Peter）年初過檔賽得利（01768）做財務總監，仲去咗巴西視察業務添！出年世界盃就喺巴西舉行，Peter「巡視」過當地設施後，好擔心係咪應付得到世界盃。
Peter話里約熱內盧呢個巴西最大嘅機場，望落去規模係唔細，但就舊到好似香港以前嘅啟德機場咁，同依家好多新起嘅現代化機場，真係無得比！
巴西近排咁多示威，治安問題都幾令人擔憂，Peter都話，佢喺巴西第三大城市落機去酒店，只係20分鐘車程，途中就有兩個檢查站，咁當地治安係點就可想而知啦！絲絲聽完佢嘅形容，似乎球場同其他基建配套到依家都未搞得好，都好擔心巴西呢次搞世界盃，會唔會撻Q呀。
余詩韻