絲絲細細個就睇姜大偉嘅功夫片喇，最鍾意就係佢喺九三年版嘅《射鵰英雄傳》之《九陰真經》裏面演黃藥師呢個角色，亦正亦邪真係好好睇，不過都已經係童年時候嘅回憶喇。
好彩近期由證監會出資成立嘅投資者教育中心，搵咗佢重出江湖，拍成八段短片，一於以功夫會友，兼且介紹投資技巧同知識。
武術比喻投資基本功
唔好以為打功夫同投資大纜都扯唔埋，其實兩者都要打好根基，先可以穩中求勝！
絲絲率先上網睇過啲片，除咗基本嘅投資概念，仲會講埋認股證、高息債券基金呢啲較複雜嘅工具。
市場上有咁多金融產品，一般投資者又真係好難理解得晒，得閒跟姜師傅學番一招半式，真係唔打得都睇得！