一個人有冇成就，唔係睇佢有冇「沙紙」，蓋茨就係一個人辦，佢大學都未畢業，就自己創業，有幾成功，都唔使絲絲形容。佢旗下嘅蓋茨基金，都好鼓勵僱主喺請人嘅時候，以能力行先，而唔係學歷。
近日，蓋茨基金就同Innovate+Education合作，開創一個新計劃，希望老闆唔好以為有學歷就係有能力！絲絲聽講，呢個計劃名為「新選擇」，唔同地區嘅僱主，都可以同佢哋合作成立認可課程。應徵者只要參加僱主認可嘅課程同測驗，展現自己有相關嘅技術，就可以得到專業培訓嘅機會。
絲絲覺得個計劃好合乎經濟效益，老闆可請到有一定技能嘅員工，員工返工時亦唔使太多時間適應，就連「入錯行」嘅機會都減少，對雙方嚟講都算有着數呀！
余詩韻