絲絲講場：《太陽報》超卓品牌大獎 參加網上投票 日日送你禮券
想表揚心水品牌？絲絲有好介紹，由東方報業集團（00018）旗下嘅《太陽報》主辦，香港航空獨家贊助嘅「超卓品牌大獎2013」，已接受大家網上投票。今次投票活動唔止表揚市場上嘅超卓品牌，更可促進業內良性競爭同持續發展，為大家提供更優質嘅產品同服務，真有意義。
網上投票尋日已開始，八月十五日（星期四）晚上11時59分截止投票。各大入圍品牌除咗要得到大家神聖一票，仲要過專業評審團隊嗰關，簡直要「過五關斬六將」先可以獲獎。得獎名單會喺九月十八日公布，到時仲會舉行盛大嘅頒獎典禮。
百元禮券好易到手
能夠入圍「超卓品牌大獎2013」都唔簡單，一定要達到以下準則：有效運用市場策略並凸顯品牌理念；為消費者提供優質服務同產品質素，致力滿足顧客需要；宣傳形式敢於嘗試、突破創新，有效提高品牌形象。絲絲真係怕大家投票嘅時候，個個都想投，唔知點揀好。
唔好話絲絲唔私人醒大家，網上投票每日設有5個投票時段，每時段首兩名投票人士將獲$100禮券，每日名額得10個，真係手快有手慢冇！唔好猶豫喇，立即登入http://on.cc/EliteAwards2013，投選心目中嘅超卓品牌，以行動支持佢哋啦！
余詩韻