一手推動H股來港上市嘅中港元老，尋日齊齊亮相港交所。廿年話長唔長，話短唔短，但尋日見到呢班元老級人物，個個都好似食咗防腐劑咁，印證不老傳說。
好似中證監前主席劉鴻儒，今年八十有二，但尋日上台致詞時，思路清晰，全無老態。台下嘅嘉賓都不約而同咁話，劉鴻儒今年八十幾，但一啲都唔似。
港方H股元老李業廣今年七十七歲，一樣好鬼精靈生猛，早前佢仲話去咗潛水充電，真係寶刀未老。中港兩位H股代表人物齊齊敲鑼，絕對有睇頭！
當年H股中港工作小組成員，包括李禮文、趙志錩、聶慶平都有出席儀式，仲有中證監前紀委書記李小雪、中央企業工作委員會原副書記孫樹義等，不過，H股工作小組成員周文耀同梁定邦就冇嚟。據聞中港一班元老，難得有咁嘅機會聚首一堂，完咗儀式後，都齊齊約埋一齊去食飯，當係老朋友敍舊！
六家喺九三年上市嘅H股公司都有派員參加，當年有份幫H股來港上市嘅蔡洪平亦有到場。佢之前做過嘅瑞銀有份幫中金再生（00773）上市，被問及證監會申請將中金再生清盤一事，佢就即刻話
余詩韻