隱形皆因放暑假
呢位獨立股評人一向屬於維權小股東，每次邊間上市公司有事都即時會彈出嚟評論，佢真係好勤力o架，年中都唔見佢有邊日會休息。有時David Webb仲會主動「出手」添，其中最轟動嘅莫過於佢喺○九年向廉署及證監會舉報電訊盈科（00008），最終電盈私有化告吹。
講番呢排點解David Webb失咗蹤啦，就連佢個網站webb-site.com都有好耐無撰文更新。絲絲打過電話畀佢，原來佢都同班學生哥一樣，工作咗咁耐想放番自己一個長假。雖然佢無講去邊度假，不過絲絲估佢度假嘅地方一定無得上網，所以先update唔到香港嘅消息喇。