相信唔少父母都覺得管理仔女嘅活動時間表好煩。美國最近就有人開發新app解決呢個問題，而開發者竟然只係一位14歲嘅男學生！
呢位叫Emerson Walker嘅學生話，學校會透過內聯網等公布交功課、活動等唔同時間表，睇到人頭暈眼花，所以決定開發一個叫做mPlanner嘅app方便大家。mPlanner可同步各平台嘅時間表，令到所有功課同活動集中起嚟。家長只要登入專用介面，更可直接睇到仔女個時間表，方便督促佢哋做功課。
mPlanner嘅推出真係人人都讚好o架，Walker同佢位高中生拍檔已經憑呢個app喺當地贏咗一個比賽，獎品係一個免費office同專業人士對mPlanner嘅意見。Walker更加喺資金籌集網Kickstarter籌到近5,000美元（約39,000萬港元），準備日後優化個app再推出市場。佢仲講笑咁話，籌募到嘅資金會交畀爸爸間公司打理，唔會亂咁使！