牛錫明由交行（03328）行長升任董事長之後，行長職位一直懸空。聽聞曾經喺交行做咗十六年嘅彭純有機會回巢，並已經到咗上海，隨時可以上任。
彭純係六十後，現職中投副總經理、匯金總經理，九四至一○年期間任職交行，做過副行長，對交行嘅運作十分熟悉。分析認為，彭順「回歸」交行，有利交行嘅資產質量控制，因為佢擔任副行長期間，主要管風險管理工作。
據悉佢已經到咗上海，莫非係去交行嘅總行報到？有人形容彭純為「改革派」，皆因佢曾經推動交行重組、上市嘅功臣之一。如果傳聞係真嘅話，外界期望喺牛錫明同佢嘅帶領之下，可以將交行由一一年下半年開始推行嘅「二次改革」做得更好，向創新嘅方向發展。
余詩韻