專家都拆解過手機生產工序，發現組裝部分賺嘅錢非常少，台灣鴻海等組裝企業只係分到1%左右。今年高端智能手機唔係賣得咁好，低端機價錢平，利潤自然更微薄，所以組裝企業要賺錢，都要擴展一下自己的業務！
夥拍富可視
富智康決定將業務向上游擴展，同美國投影機品牌富可視（InFocus）合作，將推出兩款新智能手機，兩部機都會由富智康一手包辦設計、開發同製造。富智康台灣研發中心研發事業二處資深處長林佳憶就話，富智康日後有機會將手機零件的自製率提升到超過5成，亦都會協助手機客戶改善軟件，持續開發軟件平台。
余詩韻