馬凱博早年喺獅子銀行工作咗二十個年頭，仲一度出任香港區總裁，直至一一年先跳槽去至基金巨企貝萊德，經驗固然豐富。
候選人多 競爭唔細
英國《金融時報》報道，馬凱博係蘇皇下任行政總裁熱門人選之一，不過今次嘅角逐都唔係「坐定粒六」，皆因今次競爭幾激烈，馬凱博至少要fight低另外四位候選人！
坦白講，絲絲當然對馬凱博睇高一線，如果佢做番老本行，絲絲當然為佢感到高興，但一諗到佢可能要去到老遠履新，即係話，絲絲就唔會咁易撞到呢位銀行界型男啦！
聽講呢個結果將會喺蘇皇公布中期業績時一齊公布，雖然目前最後人選仍未有定案，但無論邊個上任都好，都要訂下一個五年大計，帶領銀行重新聚焦喺英國零售銀行業務。
余詩韻