產品囤積 賤賣清貨
早排絲絲同做分銷嘅偉仕（00856）首席財務總監王偉炘（William）傾開，佢話，呢啲生意轉差嘅廠商，一般都唔會自動自覺生產少啲產品，令到產品囤積喺分銷渠道，令到佢哋分銷商去年要紛紛清貨，有啲產品原本可能會有5%毛利率，但到清貨嘅時候，可能要零毛利都照賣！所以舊年偉仕嘅毛利率都倒退咗。
不過William覺得，呢啲品牌都唔係冇翻身機會，例如惠普今年新推出嘅平板電腦，佢就認為非常好用，不過公司自己就要諗方法做好市場推廣，仲話其實唔同品牌嘅科技產品，硬件配置全部都一樣，差別就只在宣傳同建立品牌上。
余詩韻