另外，英國數據又忽然轉差，製造業生產按月下跌0.8%，按年計更下跌2.9%，為低息營造有利環境，英鎊跌至1.4813的三年新低。
聯儲局要成為首個退市嘅央行的機會極大，睇番歐洲、英國同日本要收水就難上加難，尤其歐洲依家仲要面對衰退，而澳洲就繼續炒減息，相信係下半年匯市嘅一個重要方向，投資者必須認清大方向，所以今次外幣反彈，應該係今年另一次逃生機會。
若真係唔好彩坐緊艇嘅投資者，真要好好把握機會，其中澳元最樂觀應以0.95至0.96為重要阻力，因央行早已表明息率有下調空間，姑勿論係咪擺空城計靠嚇都好，澳元至少都唔會係重拾升軌。
GMO CLICK環球通副總裁 陳健豪