「梗係記得！當時李業廣病咗，我係聯交所第一副主席，青島啤酒（00168）同上海石化（00338）上市儀式都係由我主持。」蔡陳葆心憶述二十年前H股登陸香港情況。
她說：「本來第一隻H股應該係上石，只不過太大隻，結果被輕磅嘅青啤攞咗第一。」除青啤、上石外，她還兼任東方電機（01072‧現稱東方電氣）、成都電纜（01202）、經緯紡機（00350）的非執行董事，「我無收人工o架，只係H股屬新嘢，需要人帶住同畀意見。」
博高增長寧揀科技股
時至今日，國企已經與國際接軌，業務與帳目更加規範，蔡陳葆心認為，大型國企質素有很大改善，她最後悔是沒有買入青啤，「我當時做佢哋非執董，唔買得，真係嘥咗，青啤依家係國際品牌，股價都好靚；上石太大隻，無乜起（股價）；成都電纜太進取。」
現時蔡陳葆心手上H股，包括建行（00939）及交行（03328），均是上市時在市場買入及持有至今，帳面依然有盈利，但她認為未來國企股很波動，直言：「我咁嘅年紀就要買穩陣嘅，要保持不敗唔會博，所以國企股依家唔啱我，後生嘅就可以進取啲。」問及未來有較大增長空間中資股，她說只會選擇科技股，「內銀股係穩陣，但唔會大升；內房股估值太高，而且成日受調控影響，不適宜長線持有。」