同貴金屬結下不解緣嘅「商品大王」羅傑斯，近年四出搜羅金幣收藏，好似前排咁，就曾大手掃咗好多北韓金幣，仲話博第日北韓政權垮台，買咗嘅金幣可以升價十倍咁話。絲絲呢幾日收到風，羅傑斯會喺今個月尾嚟香港，到時真係要問吓佢邊隻金幣抵買至得！
對於金幣「發燒友」羅傑斯嚟講，如果可以買到集紀念同投資價值一身嘅金幣，佢一定唔會放過呢啲機會，所以佢已經連續兩年喺錢幣展銷會上，掃晒for sale嘅北韓金幣。
絲絲仲知道，佢好多年前已經特別鍾情由人行發行嘅熊貓金幣，有次仲因為帶唔夠cash，即刻趕去附近撳錢，之後抬住一疊疊嘅人仔返去展銷會場掃貨，最後因為太多銀紙嘅關係，佢要同老闆數咗好耐錢先找到數。
有老友同絲絲講，一間人行所屬嘅中國金幣總公司海外核准經銷商，今個月底喺香港有新店開幕，到時仲有羅傑斯坐鎮添！
余詩韻