唔講唔知，蘋果公司嘅御用生產工廠富士康，喺五月底嗰陣改咗個新名叫做富智康（02038），市場猜測可能管理層想借改名洗底，除去昔日「血汗工廠」嘅壞形象。之不過，絲絲仲聽講最近公司更開始大規模請人，而市場就估計，似係為咗生產新一代iPhone 6手機嘅訂單做好準備。
聽聞今次招聘行動，富智康暫時都會喺唔同地方同時招聘人手，而且人數暫時都無上限，主要都係請普通工人同技術類工人。呢班工人會有三個月試用期，底薪就有1,800元人民幣；過咗試用期底薪就會再加200元，計埋加班「補水」每個月都可以有大約3,000元人民幣。其實佢哋喺河南嘅工廠區已經有21萬工人，不過比上年高峰期嘅30萬人仲有一段距離。
余詩韻