絲絲講場：金融糾紛 用創意調解

買債變保險 索賠償

話說有個真實個案，有位葉小姐（化名）係銀行長期客仔，一直以來只鍾意投資債券，幾個月前，佢發現買嘅金融產品原來唔係債券，而係一個冇回報保證嘅保險產品。佢話銀行職員同佢講產品性質同債券相同，到期時有相等於本金6%回報。但係，到期日回報就少過6%，佢認為受職員誤導，要求銀行就承諾回報同實際回報之間嘅差異作出賠償。

用「愛心pet」圓滿收場

銀行就企硬話職員喺銷售過程已清楚解釋產品性質，絕冇誤導，葉小姐惟有向金融糾紛調解中心求助。最後點收科呢？

喺調解過程中，葉小姐曾透露自己係寵物愛好者，銀行代表於是提出一個非常有創意嘅和解方案，就係將數字23同8加入和解方案內，當用普通話發音時，就同「愛心pet」字眼好相似。葉小姐覺得呢個和解方案好窩心，最後「收貨冇詐型」，爭議圓滿解決。原來女人有時真係幾易氹！

余詩韻