新例樓書 繁複難明
一手住宅物業銷售條例實施逾兩個月，僅十六個新盤重新「上架」，上載新例要求下新版樓書，但當中八個項目須作不同程度修改，次數共達15次，不少更動輒數百頁。本報記者早前到多個新盤售樓處實地視察，逾六成受訪者認為樓書太仔細，「根本無耐性兼無能力睇」。
嫌欠缺管理費資料
據本報統計，截至昨日，已有十六個樓盤向銷監局提交樓書，當中八個新盤不足法例規定的三個月時間，需重新檢視樓書，並有多達15次修改。不過，因申請售樓手續過於繁複及規管精細，「每寸都要計到足」，發展商擔心有錯漏要負刑責，以致新盤推售速度緩慢。截至昨日，據銷售資訊網數字，暫僅七新盤推出，售出單位僅242個。
不過，本報記者近日直擊多個新盤售樓處，絕大部分參觀人士認為樓書太大、內容太仔細、圖則太花，不能全部看完，認為只要有實用面積、呎價、位置及物業代理介紹，已很足夠。調查又發現，有個別參觀人士認為假如新版售樓書內能提供管理費等數據更理想，反映新版樓書詳盡有餘，實用性不足。
事實上，在新例要求下，發展商需要詳細披露樓盤多項資料，例如新世界（00017）旗下洪水橋洋房新盤溱林，屬眾多新盤樓書中最厚及最重，全本樓書厚達433頁，重量達5.9磅，樓書內詳列每一個單位的實用面積及單位平面圖，並且有建築物橫截面圖、公契摘要、批地文件摘要等資料，並且中英對照。
溱林尚悅樓書4、5磅重
早前因樓書部分內容需要跟進而叫停銷售的恒地（00012）元朗尚悅，已重新派發新樓書，雖較溱林樓書輕1.9磅，但重量依然近4磅，並厚達240頁。基本上，上述兩本新盤售樓書，可媲美一般新股招股書，以致不少參觀人士索取樓書查閱後，索性留在售樓處內不帶走。
新世界主席鄭家純上周接受本報訪問時直言，對一手樓盤銷售新規不敢恭維，又說：「The Woodville（溱林）樓書成500頁紙，我就睇咗幾日，但派出去根本無人會睇，咁樣花時間，反而拖慢咗香港嘅售樓進度。」他續表示，新措施「自己綁自己，無人得益，發展商就頭痕，售樓書根本唔使咁詳盡，要保障買家，怕發展商呃人，我寧願你（政府）定法則，甚至刑事告佢（犯規者）。」
睇樓客大彈樓書繁複
好唔環保
何先生：「無必要印咁大本，咁樣好唔環保，其實買樓睇實用面積、呎價同位置，再加埋代理介紹已好足夠。」
又重又大
何小姐：「本售樓書好重又大本，我自己就懶得睇，不過覺得有總好過無，可以多個資訊渠道畀買家選擇。」
淨睇圖則
李先生：「會睇下單位平面圖，其他內容我覺得太多唔會睇得晒。」
第一次見
譚太：「睇咗咁多次樓，第一次見咁大本售樓書，覺得咁多內容好難睇晒。」
無耐性睇
林先生：「內容太仔細，圖則太花，根本無耐性睇，一啲重要資料例如會所又唔包含。」
仍欠資料
張小姐：「個封面幾靚，有興趣睇內容，如果加埋管理費同項目所提供的單位數量就更好。」