英國五月份CPI按年攀升至2.7%，遠遠高過四月的2.4%，原因係油價藉地緣政治風險炒上。
短線英鎊因通脹又升溫，而其餘數據如製造業指數同申領失業救濟金數據亦比預期好，都令短線英國再加推量化寬鬆措施的機會下降。而隨着近日英鎊由1.50抽上1.5750，預期有助壓抑未來通脹。
至於央行行長金默文最後一次議息會議紀錄，投票結果繼續係6比3，而金默文繼續支持進一步量寬。扣除佢卸任後嘅一票，暫時只有兩位委員支持量寬，令短線英國加推量寬機會進一步下降。
更重要係七月一日新任行長卡尼上場，睇番佢之前言論，似乎繼續維持寬鬆政策的機會相當高，相信暫時英鎊仍未有條件大升，亦解釋咗點解下半年美元仍繼續偏強的理據所在，短線反彈，相信於1.575已見頂，本周於1.555期已有極大阻力，建議於1.550進一步做淡，目標1.532，止蝕於1.555。
GMO CLICK環球通副總裁 陳健豪