香港酒店「一見鍾情」
話說當中央呢頭話要整合內地乳品行業、同埋要監管奶粉質量之後，蒙牛即刻身先士卒，用過百億元收購雅士利，雖然蒙牛有阿媽中糧撐腰，但以市值486億元嘅蒙牛，要買121億元嘅雅士利，一啲都唔易啃。
講到咁政策性，雅士利董秘吳曉南就話唔係呢回事。事實係，兩方面係喺香港嘅一間酒店結緣！緣分係喺今年三月初次邂逅，兩間公司代表喺同一酒店參加有關內地乳業發展嘅交流活動，大家經溝通後，發現好啱key，咁就萌起咗雙方嘅愛意，之後仲keep住聯絡、傳吓情，最後就訂埋婚，雅士利就咁嫁咗畀蒙牛。
吳董秘仲話政策出台係一個巧合，總之佢哋就係你情我願，唔係盲婚啞嫁，畀中央逼婚啦。
余詩韻