絲絲就聽聞，地捫已經請咗摩根士丹利同埋Centerview Partners去幫佢哋物色買家。而地捫發言人就對係咪轉型賣寵物食糧嘅傳聞拒絕置評。
地捫喺一一年畀私募基金KKR以40億美元收購，上月更同美國雪山寵物食品（Natural Balance Pet Food）簽訂合併協議。事實上，地捫嘅罐頭食品每年銷售額達18億美元，佔去年整體收入約50%，但係近年自家品牌冒起，競爭漸趨激烈。
寵物食品前景更佳
相反，地捫寵物食品上季銷售增長高達10.1%，遠較同期消費部門增長僅1.8%省鏡得多，所以好難怪佢哋寧賣狗糧，好過賣埋啲罐頭菠蘿啦。
絲絲就感嘆，家陣個世道，唔通真係做寵物好過做人？
余詩韻