絲絲講場:AXA李秉熙最想客仔健康

「預防勝於治療」呢句說話幾時都啱,連AXA安盛首席醫療及僱員福利業務總監李秉熙(Benjamin)都話,保險商同投保人喺呢個議題上企喺同一陣線。

點解咁講?投保人梗係想身體健康,長命百歲啦!絲絲都好明白,買保險都係買保障,最好緊係「keep好副偈」,唔使用到呢筆錢就最理想!至於險商嘅睇法,Benjamin就話險商都係做生意,如果客戶吓吓都咁唔好彩,患咗大病,作為險商,賠償費一定「好甘」,賺幾多都無用啦!

高端醫療八成港客

事實上,醫療開支每年都升8至10%,好多人都諗住公司幫你買咗醫保就大晒,Benjamin建議大家要特別留意「保障缺口」,記得要不時review自己嘅醫療保額夠唔夠使,唔夠用就可以考慮市面上嘅高端醫療計劃。

咪以為香港人唔吼高端醫療計劃,聽講AXA安盛嘅同類保單中,有83%都係香港客,其餘就係內地客。

嗱!有時間多啲留意相關資訊,均衡飲食,定時做吓運動,一句到尾,健康最重要,記住預防勝於治療呀!

余詩韻