財經公關呢行向來競爭好大，曝光率低啲嘅公司，好容易畀人誤會，以為摺埋咗！之前盛傳收咗檔嘅青木財經公關突然又活躍起嚟，佢哋同絲絲解釋番，佢哋一直都喺度，只不過早兩年老闆比較多喺上海幫啲客搞活動，直至最近老闆個香港朋友——國3D數碼（08078）老闆叫到就返嚟幫手，所以就同咁多位傳媒再見番面，仲話「強勢回歸」添！
講真好多財經公關嘅服務都差唔多，都係靠人脈取勝，青木就話佢哋嘅策略係「貴精不貴多」。
相對於其他公關，佢哋就鍾意發掘新星多啲，尤其係好多三、四線上市公司基本面都好好，只不過需要一個更完善嘅機會將啲優點表現出嚟，所以青木通常都積極向客戶作出建議同做培訓。青木仲預告，嚟緊多啲機會同大家接觸，要拭目以待咁話！