唔少富豪都會有私人投資，所以周不時都會傳出佢哋喺邊度買啲咩、入股啲咩咁。早兩日有報道引述東方航空（00670）消息人士話，東航同澳洲航空合作，喺香港成立廉航公司捷星香港，會引入合和（00054）做投資者，雖然合和胡文新（Thomas）已經否認咗，不過大家都依然好關注件事，尋日見到佢仍然係咁追問，搞到最Thomas有啲忟忟哋，話「點解人哋打銅鑼，我哋就要跳舞呢？」
身處倫敦嘅Thomas，尋日以視像會議介紹合和香港房地產（00288）公開招股嘅詳情，又再有人跟進呢個傳聞。
Thomas話，合和無計劃投資廉航業務，而據佢了解亦都無私人投資嘅計劃，至於點解會有咁既傳聞，Thomas就話應該問番放料嘅人，仲話件事已經交咗畀律師研究。
點知有人打爛沙盤問到篤，係咪佢同佢爸爸胡應湘在內嘅私人投資都無計劃，當Thomas知道個消息來源時，回應一句「點解人哋打銅鑼，我哋就要跳舞呢？」搞到冇人再敢問喇。