絲絲講場：港燈展示電能環保「煮」義
成日都話要節能環保，港燈董事總經理尹志田教絲絲改用電能廚房，又潮又節能，依家搞緊嘅HOFEX國際食品餐飲展上，會搵到更多貼士添。
電廚房先進又慳錢
隨住餐飲業界日益重視環保節能，港燈於業界匯聚嘅HOFEX國際食品餐飲展上，以「營商新趨勢轉出新環境」為題，介紹商用電能廚房嘅最新設施，展示電能煮食環保節能嘅優點，協助業界改善廚房環境，提升職安健嘅表現。
尹志田話電廚房有三大優點：「改善環境」、「節省能源」及「優化流程」。佢哋今年嘅攤位採用時光隧道嘅設計，同場展示傳統與現代化商業廚房，參觀者親身體驗兩者嘅分別。業界除可透過智能系統提供嘅數據，比對電能煮食如何優化廚房環境，提高環保效益等優點外，更可了解最新商電廚房產品和設備如何減省營運成本，包括爐面採用特強纖維物料製造嘅電磁矮湯爐、餘熱回收系統，以及最新蒸煮設備裝置等。
余詩韻