永隆銀行助理總經理兼零售銀行部主管鍾少權（Derek）返咗新工差唔多兩個月，尋日換上一身灰色嘅西裝同絲絲食lunch，無見幾個月，佢除咗fit咗，仲好似比以前靚仔咗呢！
不嬲鍾意着深色西裝嘅Derek話，為咗要改變吓style，所以特登着咗套淺色啲嘅西裝，仲覺得依家成個人都充滿活力咁話喎。
Derek仲話，早幾個月前去咗台灣踩單車，由台北踩去台中，雖然留咗好多汗，但佢風騷咁同絲絲講，依家褲頭鬆咗，着衫都好睇咗。除咗踩單車，Derek佢仲好鍾意跑步，一直對着衫好有研究嘅佢，話其實有好多運動衫嘅款都好靚，講講吓仲介紹咗幾間舖頭畀絲絲添！
講開份新工，雖然只係返咗七個禮拜，但已經好多嘢做，好似要見客、落分行同北上考察等等。不過，佢覺得永隆有樣嘢好特別，就係好有人情味。有次佢喺間分行撞到個客，原來屋企幾代人都有幫襯開，而佢身邊亦有好多同事做咗二、三十年。
余詩韻