新西蘭考察 望擁農場
一手創辦華為嘅任正非一向作風低調，今年已屆六十八歲嘅佢，早前曾經講過話唔會畀家族成員做華為接班人，而會實行「有能者居之」，希望現代化管理企業，仲話唔會畀華為上市，以免進入資本市場嘅遊戲。
近日佢去咗新西蘭考察，開腔大談佢嘅退休計劃，絲絲初時以為都係話要環遊世界、挑戰體能極限參加極地馬拉松、或者退而不休等等，點知原來佢話希望喺退休日，會開一支香檳，開一間Cafe，同埋擁有一個自己嘅農場。
點解佢要開Cafe就不得而知，不過唔知到時會唔會有IT界猛人雲集呢，到時可能就會變埋科技咖啡店添！