巴菲特建議職場女性要同比自己優秀嘅人工作同學習，如果善於溝通就更加得心應手。原來股神年輕時都有怕醜嘅一面，佢意識到要自信咁喺人前講話，就要先克服到同人溝通嘅障礙。
感慨姊妹因性別受限
佢仲講到要建立優良商界形象，首要係成為優秀企業嘅一分子！
早前佢就喺《財富》雜誌中撰文，好感慨咁講當年佢嘅職場起點，竟然係佢家姐同細妹嘅職級極限，當年無人諗過要打破呢種性別階級模式，之後當然有人去爭取轉變。雖然係咁，佢都仍然擔心依家有唔少女性嘅才能受到局限，發揮唔到小宇宙。
絲絲覺得巴菲特真係講得無錯，男尊女卑已經唔適用於現今世代，姊妹們，一齊抬起頭來，證明自己嘅工作能力啦！