絲絲講場：瑞信做紅娘撮合聯想NEC
絲絲近日見到網上有一個好溫馨嘅廣告，但你完全唔覺同投資銀行扯上關係，影片中有一對NEC高智能機械人準備行禮結婚，「新娘」手持花球，而牧師同觀禮嘅全部都係機械人，佢哋除咗識講嘢點頭仲識面紅，喺宣誓之後「新郎」仲錫咗「新娘」一啖添！除咗影片之外，仲有平板廣告版本，真係sweet到暈！
電腦傳播良緣早訂
呢個廣告其實係瑞信為客人NEC嘅宣傳之一，影片中講到NEC早喺35年之前就已經洞悉天機，知道電腦同通訊傳播係天生一對、不可分割。
而瑞信就一直幫NEC調整企業策略，有見NEC喺日本嘅本土市場已日益成熟飽和，佢認為NEC應該要面向世界，因此充當紅娘，喺NEC同聯想之間撥媒人扇，促成佢哋嘅合資項目。呢次合資聯想會持有51%股份，而NEC就持有49%，瑞信仲話呢單deal，將會係IT界中資日資首次嘅聯手合作添！
余詩韻