近來日本商業及消費者信心調查都出現樂觀氣氛，股市連升六個月，日本三月工業生產按月上升0.2%至89.8，失業率由4.3%下跌至4.1%。連續數個優於預期的數據，即時令市場諗日本經濟是否復甦？
不過，日本面對緊的係一些結構性問題，目前仲係通縮，如果信兩年內達到2%通脹目標，即係未來將繼續擴大量寬規模機會極高，但通脹高唔等於經濟好，睇睇英國經濟在一二年都繼續出現衰退就知。
不過，講來講去，日圓貶值令市場擔心日本投資者會唔會離棄日債，其中四大保險公司及退休基金規模龐大，當中44%資產投資在日本政府債券，只要有小小動作都足以影響市場，雖然資金大規模流出日本機會不大，因為日本保險商不願承受過多風險，不過若有當中1%流向海外資產例如美股及美債等回報更高的資產的話都不得了，所以日圓下跌大方向未變。
日本黃金周結束，若未有日本資金流走，美元兌日圓將先跌回95.7，短線區間在95.7至100之間。
GMO CLICK環球通副總裁 陳健豪