Market Insight：基金棄股見好即收

然而，要小心今日收市後滙豐控股（00005）公布季績，過去幾季營運數據，分析員統統都話衰多過「Like」，只怕個市會借隻恒指第一權重大股來個短線調整。近期恒指由21,423點反彈近千五點，計計同年初比較，終於轉跌為升，指數有1.1%進帳。儘管與美股同期升14.2%、日股升31.7%及泛歐升4.3%不可相提並論，但至少已跑贏排響隊尾的A股同期1.6%跌幅。

A股估值唔貴，四月製業業PMI麻麻都無再跌，而且技術走勢，開始見底背馳，反彈相信係遲早問題。

古勝冇點你 07/05/2013

萬里長空

不過，昨日飯局，古勝一班buy side老友卻完全唔同睇法，尤其上星期連歐洲都加入減息，美國及日本持續揼水救經濟，唯獨中國仍在努力，為四年前4萬億人仔救市收拾殘局。近日所見，經濟復甦力度唔強，人民銀行都要硬着頭皮為寬鬆政策打修正球，而為免愈滾愈大的非銀行體系融資信貸爆煲，早前更表明設下更多監管措施，如果睇信貸鬆緊周期，內地股市好難有運行。

不妨押注人幣升值

古勝同意，股票平唔等於要升，不過唔放水亦唔代表一定無人吼，但諗落歐美日齊齊印銀紙，相反人行掉轉邊做，或者未來一年，押注人民幣升值不失為今年一個good call。近日人仔屢創新高，但年初至今累積不過升值1%左右，同市場共識全年要升3至4%，仲有一段距離。

資金無嘢好炒，連基金棄股都唔放過。雨潤食品（01068）全資附屬南京雨潤食品，因為首季按內地會計準則，季績由去年勁蝕4.98億元人民幣，大幅改善到今年合併淨利潤為300萬元人民幣，股價居然因此狂升13.2%收報5.21元，計落市值單日暴漲11億元，呢300萬人仔桿槓效應真驚人！

雨潤去年勁蝕6億、高管變動及業績依賴透明度低的補貼，嚇怕唔少賓架，彭博顯示19個撰寫報告分析員得兩個敢叫買，股價由一○年底高位30.8元，跌到月初見4.32元，昨日贏到嘅股民真係不能不寫個服字畀你。衰到貼地，或者就快貼地的基金棄股，可能係經濟環境唔好，好似寧捨多，隨便都揀得出如李寧（02331）、國美電器（00493）、思捷環球（00330）同埋霸王集團（01338）。

從護理零售舖架上所見，霸王能否翻身的確是一大問號？時裝品牌走下坡後，救亡失敗比成功的例子多。內地電器網購特色係毛利勁低。至於體育用品行業，李寧到底割價出貨仲要玩到幾時？正因為輕易搵到九百幾個理由支持唔買，佢哋先至咁平，亦因為咁吸引到膽粗粗嘅股民不斷去試運氣，但買隻唔跟市的股票，於現時的升市下，其實機會成本好高。

機會成本相對較高

奶粉股雅士利（01230）創52周新高，上星期收市後，公司宣布派11.31分末期息外，追加特別股息28.25分，換句話一次過派息39.56分，即使以急升後3.27元股價，都有6.6厘！

公司豪派10億元，最着數當然係合共揸咗七成六的大股東同私募基金凱雷，幾億銀袋袋平安。瑞銀認為以去年底揸淨現金20.7億元，加上資金回報唔高，大約4%一年，今年投資新西蘭奶源固定開支僅12億元，派送可以令股東資本回報提升至15%，但就維持中性評級睇目標3元。

騰訊蓄勢向上闖關

升市成交冇異樣，反映未有新錢流入，仍留在場內的資金繼續游走於不同板塊，昨日內地汽車股、券商股有鑊氣，上周做好的電訊設備股稍作回氣後亦回穩。

聽聞第五屆全球移動互聯網大會（GMIC）將於今日在北京召開，幾家大型內地科網企業高層都會出席發表演講，話唔定又會帶動相關股份氣氛。騰訊（00700）股價繼去年末季及今年首季受制於280元水平後，近日再次受阻於此水平，年內內地4G發牌以及發出流動虛擬網絡營運商牌照都是市場焦點，一旦行業利好消息刺激其股價成功突破，可望反覆挑戰300元大關。

古勝