絲絲講場：美聯關懷川震受災員工

放有薪假資助回鄉

據美聯老友講，集團主席黃建業好關心佢哋，唔單只給予金錢上嘅支援，仲畀埋有薪年假佢哋，返鄉下處理家事添。

因應受災員工嘅當下需要，公司即時採取一系列關懷行動，包括批出為期一周嘅額外有薪年假，以及路費資助金，以支援三人第一時間抵赴家鄉。

美聯中國仲主動籌集捐款及物資幫助三名同事，而剩餘資助將安排捐贈至四川賑災機構。絲絲都好擔心三位員工，據老友講，受影響嘅三位同事已收拾心情，仲好感激主席黃建業、集團及同事嘅幫忙。