絲絲講場：花旗「傑出學生」鬥到最後一晚
花旗香港同香港大學合辦嘅銀行課程尋日終於畢業喇！其中四位表現優異嘅學生獲頒「傑出學生獎」，該行環球個人銀行服務總經理林鈺華（Christine）話今年嘅學生質素實在太好啦，佢哋啲分數鬥到難分難解，到畢業禮前一日嘅傍晚，仲未有定案邊個會勝出，所以佢要事先簽定成疊嘉許證書做後備喎，真係辛苦晒呢位大忙人喇。
畢業禮期間，Christine話自己一向演講都唔會帶講稿，但係尋日就唔同喇，因為台下嘅教授口才了得，所以要帶定講稿喺身，真係謙虛啦。
最後四強獲實習機會
絲絲都要喺度恭喜49位成功畢業嘅同學仔，因為呢個課程嘅工作量都唔少o架，喺裏面學生嘅課堂表現、中期測驗、期終報告等都要計分，分數最高嘅四位學生，仲有機會喺花旗銀行做暑期實習添，依家銀行咁渴才，唔知花旗係咪想快人一步，喺校園尋覓未來嘅精英員工呢？