近期日圓、黃金終於放低身段，唔少精明消費者都伺機出動，但估唔到呢次日圓跌勢，竟然可以帶挈一籃子相關概念股熱炒至今，而德林國際（01126）就係其中一名得益者，佢尋日個股價就升返去兩年前個價位，睇埋今年直到依家個股價，更加升突一倍有多，再次印證經濟學上都有塞翁失馬嘅故事。
當大家都以為，德林只不過係毛絨玩具OEM股，甚至係傳統嘅工業股之類，咁就好易「走寶」，因為據業內朋友所說，風靡萬千女性嘅日本公仔「鬆弛熊」，就係出自德林國際之手，所以德林仲有咩辦法唔即時「升呢」，尋日佢個股價就逆市再升多6.66%至1.28元，全日高位更掂到1.31元，升約9.16%。
不過，德林就始終都無承認過，因為公司與客戶之間大多要簽份協議保密，淨係可以話公司最大市場來自日本。